相識-1

寫這個blog主要是我好友C之前經常說我太多時間，不如嘗試blogger啦，其實我都想了很久，如何開始好呢?不如就同大家分享下我這個港女同CBC老公的生活點滴，當然仲有加拿大的新生活啦

首先要說一說我們是怎樣相識，當時是1999年七月，當時剛剛過了16歲生日，當的年暑假還未開始，媽咪已經同學校幫我請假，買了機票比我來Calgary（卡加利）玩，因為我的舅父，仲有2個姨都移民過來很多年，舅父應該是70年代尾移民過來的，而他們都在這裡有家庭，有子女。而我主要就是住Auntie Joyce 家中

有一晚，應該係7月9日，Auntie Joyce 話要去探下舅父舅母，咁晚上佢就由sw車我去nw，當時舅父還未收工，只見舅母，同舅母打招呼後，佢話Alex（大我一年的CBC表哥）在樓上，那我便行上去打算跟他見面啦，誰不知知。。

上到去，房間有個瘦瘦地既人背住我，我心諗無見咁耐唔係瘦左咁多下話?點知佢擰轉面，哦。。係Alex個friend（即係我依家老公Bernard）,個頭好寸，前面果執金毛，後面鏟哂，我當時小小驚佢架，有d似見到大隻公仔佬果d感覺，咁Alex呢，原來係間房一角,Bernard 幫Alex整緊電腦

果晚就係我第一次見到佢喇

左邊第2個就係佢喇